Mesrûr Barzanî û Cîgirê wezîrê derve yê Hindistanê civiyan

پۆستی ئەلیکترۆنی چاپکردن پ‌د‌ف


Şêwirmendê civata ewlekariya Kurdistanê pêşwaziya Cîgirê wezîrê derve yê Hindistanê kir.

Îro Şêwirmendê civata ewlekariya Kurdistanê Mesrûr Barzanî pêşwaziya Cîgirê wezîrê derve yê Hindistanê Amar Sinha û şandeke pê re kir û anî ziman ku ji bo ji nav birina terorîstan û nehêştina hizra radîkalîzimê lazime civata navnetewî piştgîriya hêzên navxweyî bike.

Di civînê de ku balyozê Hindistanê yê li Îraq û Konsulusê vê welatî yê li Kurdistanê jî tê de amade bûn bahsa pêşhatên siyasî û leşkerî yên li Rojhilata Navîn hate kirin û derbarê têkiliyên du alî yên di navbera Hindistan û Kurdistanê de jî giftûgo hate kirin û tekez li ser berfiretir kirina têkiliyên siyasî û abûrî di navbera her du aliyan de hate kirin.

Di berdewamiya civîna han de behsa şerê cîhanî ya li dijî terorîstan û gefên hevbeş yên ewlekarî hate kirin û di vê derbarê de Amar Sinha jiber serkeftinên dijî terorîstên DIŞIê pîrozbayî pêşkêşî Kurdistan û hêzên pêşmerge kir û ragehand ku di rastî de Kurd hêza yekane bûn ku li ser erdê netenê pêşî ji pêşrewiya terorîstan girt belku terorîst jî rastî şikest û paşve kêşanê kir.

Nav hatî herwiha diyar kir ku bilind kirina asta nuneratiya welatê xwe ya li Kurdistanê, nîşaneya girîngî dana Hindistanê bi pêgeha Kurdistanê û herwiha hîmayeke bo diyar kirina xwesteka Hindistanê bo berfiretir kirina têkiliyên xwe li gel Kurdistanê de.

Di beşeke din ya civîna han de behsa rewşa Îraqa piştî DIŞIê û sedemên derketina hizra radîkalîz û lazim bûna organîze kirina tevgereke pir alî bo çareser kirina tevahiya kêşe û sedemên kêşeyan hate kirin û tekez li ser vê yekê hate kirin ku lazime bo jinav birina hertimî ya radîkalîzimê lazime civaka cîhanî piştgîriya hêzên navxweyî bike.

 
Share on facebook