Mesrûr Barzanî li gel oldarên Mesîhî civiya

پۆستی ئەلیکترۆنی چاپکردن پ‌د‌ف


Şêwirmendê civata ewlekariya Kurdistanê pêşwaziya şandeke oldarên Mesîhî kir.

Îro Şêwirmendê civata ewlekariya Kurdistanê Mesrûr Barzanî pêşwaziya şandeke oldarên Mesîhî bi Serokatiya Metran Beşar Werde û Nekodems Dawud Şeref kir û anî ziman ku Kurdistan hertim weke penagehekî aram bo tevahiya ew kesên ku ji destê şer û radîkalîzimê berê xwe didinê dimîne.

Di civînê de derbarê rewşa wan deverên ku ji destê DIŞIê hatine rizgarkirin hate kirin û herwiha behsa qonaxa piştî DIŞIê, rewşa pêşeroja Îraqê, prosesa refrandûmê yaku biryare di 25ê Eylûlê de were pêkanîn hate kirin.

Di berdewamiya civînê de şanda mêwan spasiya herêma Kurdistanê kir ku ew hijmara zêde penaber û koçber hewandiye û hevkariya wan kiriye bi taybetî koçberên Mesîhî, şanda hêwan herwiha tekez li ser vê yekê kir ku ew Kurdistan bi welatê xwe dizanin û ti carî wêneya ew bihevre jiyana biratiyane û hevkariyê han ji bîr nakin.

Li hember de jî Mesrûr Barzanî behsa çanda lêbûrîn û bihevre jiyanê di navbera pêkhateyên curbicur yên li Kurdistanê de û domandina bihêztir kirina wan çandan kir û got: Em li Kurdistanê de bi îsrarin û me biryara xwe daye daku baştirîn modela behevre jiyana aştiyane li Rojhilata Navîn de li Kurdistanê de pêşkêşî tevahiya pêkhateyan bikin. Mesrûr Barzanî herwiha tekez li ser vê yekê kir ku vê Kurdistan hertim weke wargehekî aram bo wan kesên ku jiber şer û radîkalîzimê berê xwe didinê bimîne, weke çawe di demên berê de jî li hember zilm û zordariyê berê xwe didan çiyayên Kurdistanê.

Di berdewamiya civîna han de behsa çawetiya îdare kirina deverên rizgar kirî li deşta nîwoayê hate kirin û derbarê mafên welatiyên Mesîhî yên li deşta Nîwoayê jî Mesrûr Barzanî got: Bila welatiyên Mesîhî piştrast bin ku Kurdistan piştgîriya vê yekê dike ku şêniyên Mesîhî bo xwe deverên xwe îdare bikin. Mesrûr Barzanî herwiha got: Kurdistan berdewam dibe li ser parastina mafên Mesîhî û tevahiya pêkhateyên din yên olî û etnîkî û di ti merc û rewşekî de jî dev ji vê pirensîba han ber nade.

 
Share on facebook